हिमायतनगर : नुकत्याच झालेल्या लोकसभा निवडणुकीत हिंगोली मतदारसंघात शिवसेनेचे हेमंत पाटील यांचा दोन लाख ७५ हजार १०३ मताधिक्याने विजय झाला. त्यानंतर हिमायतनगर शहरात व तालुक्यातील गावागावांत शिवसेना व भाजप कार्यकर्ते आणि पदाधिकाऱ्यांनी फटाके फोडून, गुलाल उधळून, शहरात भव्य रॅली काढून, लोकांना साखर वाटून आनंदोत्सव साजरा केला.
हिमायतनगर शहरातील परमेश्वर मंदिरासमोरून शहरातील मुख्य रस्त्याने भव्य रॅली काढण्यात आली. तालुक्यातील, पोटा, वाघी, सरसम, शिरंजनी, बोरगडी, सवणा, टेंभी, वडगाव, कार्ला, पळसपूर, खडकी, सोनारी, आंदेगाव आदी गावांत कार्यकर्त्यांनी आनंद साजरा केला व एकमेकांना शुभेच्छा दिल्या.
या वेळी हिमायतनगरचे नगराध्यक्ष कुणाल राठोड, भाजपचे तालुकाध्यक्ष आशिष सकवान, कृषी उत्पन्न बाजार समितीचे सभापती गजानन तुप्तेवार, शिवसेना उपतालुकाप्रमुख विलासकाका वानखेडे, विठ्ठल ठाकरे, राम राठोड, शिवसैनिक चलमेलवार, सावन डाके, विनायक मेंडके, राम नववाडे, गजानन पाळजकर, तालुका संघटक संजय काईतवाड, संतोष गाजेवार, गजानन चायल, दीपक कात्रे, सालीम शेवाळकर, निक्कू ठाकुर, दुर्गेश मंडोजवार, दिनेश राठोड यांच्यासह असंख्य कार्यकर्ते उपस्थित होते.
